موږ باور لرو چې د افغانستان د ملي خپلواکۍ ساتنه، د ولسواک حاکمیت ټینګښت، د قانون واکمني او د ټولنیز عدالت تحقق د روښانه لیدلوري، منظم او مسؤل سیاسي فعالیت له لارې ممکن دی.
د خلکو سیاسي پوهاوی، بسیج او سازمان ورکول د دې موخو د تحقق اساسي شرط دی.
یو خپلواک، متحد، قانونمند، ولسواک او پرمختګپال افغانستان چې حاکمیت یې د خلکو له ارادې سرچینه واخلي.
د ملي پوهاوي، ولسي فکري او سیاسي انسجام، منظم سازماني فعالیت او مسؤل سیاسي مشارکت له لارې د افغانستان د خپلواکۍ، ثبات او پرمختګ لپاره کار.
د اکثریت په اړه نور معلومات
د افغانستان اکثریت ګوند د پېژندنې، ماموریت، لیدلوري، ارزښتونو او سیاسي موخو په اړه د بشپړو معلوماتو لپاره لاندې لینک کیکاګئ.
زموږ اساسي محورونه
د خلکو سیاسي پوهاوی، بسیج، سازمان ورکول او مسؤل مشارکت.
د هغو افکارو او جریانونو پر وړاندې فکري او سیاسي مبارزه چې ملي یووالی، خپلواکي او پرمختګ زیانمنوي.
د خپلواک، قانونمند او پرمختګپال دولت لپاره فعالیت چې مشروعیت یې د خلکو له ارادې سرچینه واخلي.
غړیتوب
له اکثریت سره یوځای شئ
د افغانستان اکثریت ګوند د هغو افغانانو لپاره د غړیتوب زمینه برابروي چې د ګوند منشور او اساسنامه مني، د ګوند له سیاسي موخو او ارزښتونو سره ژمنتیا ولري او د اساسنامې شرایط بشپړ کړي.
- غوښتونکی باید بالغ افغان وي؛
- د جرمي او جنګي جنایت سابقه ونه لري؛
- د ګوند منشور او اساسنامه ومني؛
- د غړیتوب پر مهال د بل سیاسي ګوند یا سیاسي ائتلاف غړی نه وي. ازمېښتي
ازمېښتي غړیتوب
د غړیتوب پروسه لومړی له ازمېښتي غړیتوب څخه پیلېږي. د ازمېښتي غړیتوب موده شپږ میاشتې ده او په دې موده کې د غړي ګوندي ژمنتیا، د ګوند د ارمانونو ترویج، ښه اخلاق او د سازماني دسپلین رعایت ارزول کېږي. وروسته، د اساسنامې له شرایطو سره سم، اصلي غړیتوب ورکول کېږي.
حقوق او مکلفیتونه
د ګوند د غړو حقوق او مکلفیتونه د اساسنامې له مخې تنظیمېږي. هر غړی مکلف دی چې د ګوند منشور، اساسنامه، سازماني نظم او رسمي پرېکړې رعایت کړي او په عامه او ټولنیزو رسنیو کې له سپکوونکو، وېشونکو او پاروونکو اصطلاحاتو څخه ډډه وکړي.